Já, einmitt, lýðræðið er það sem nota á í þessum aðstæðum

Já, var það ekki lýðræðið sem kom okkur í þessa stöðu, það og töluverð hjálp utan að komandi atburða. Þetta sýnir okkur það að lýðræðið er ekkert oftraust til að stóla á. Ekki svo að skilja að ég hafi e-ð á móti lýðræðinu, það er mjög góður hlutur og gerir það að verkum að þjóðin ætti aldrei að staðna eða að festast með forystu ógurstjórnar. Lýðræðinu að þakka fáum við þjóðin tækifæri til að kjósa nýtt fólk til forystu. Í síðustu kosningum kusum við núverandi stjórn með töluverðum meiri hluta atkvæða þjóðarinnar en því fór sem fór. Þó svo að þetta hafi farið svona hvað getur gert okkur svo viss um að hinir flokkarnir hafi gert betur. Hefur ekki verið góðæri hjá öllum Íslendingum og höfum við ekki öll verið ánægð með það??? Er það ekki að miklu leiti D að þakka? Sá flokkur hefur verið við völdin ansi lengi og þeir komu þessu góðæri af stað. Þó svo að tökin hafi farið af þessu þá er ekkert sem segir að núverandi stjórn geti ekki komið okkur út úr þessu. Ég skil vel að Steingrímur vilji hafa kosningar strax meðan hans flokkur kemur vel út í skoðanakönnunum og áður en ríkisstjórnin sýnir hvað í henni býr og að hún muni koma okkur á réttan kjöl aftur, ég skil hann vel. Þetta er hið sívinsæla eiginhagsmunapot sem einmitt gerði það að verkum að allt fór úr böndunum hérna til að byrja með. En ég fyrir mína parta tel að núverandi ríkisstjórn komi okkur út úr þessu, það eru flestir í henni að gera sitt besta og ég verð að segja að ég vil mun frekar hafa yfirvegaðan og kurteisan mann eins og Geir til að sjá um samskipti við þjóðir út í heimi sérstaklega þegar staðan er slæm. Steingrímur aftur á móti þarf að bæta sína hegðun áður en ég kýs hann í nokkra stöðu þar sem hann fær að tala við fólk sem við þurfum að stóla á í okkar baráttu, hans ofsi og talsmáti gerir fátt nema að móðga og svívirða fólk og orð hafa ábyrgð.

Kosningum ekki flýtt

Óþolandi að líða fyrir tortryggni...

Já, einmitt það mega allir nema Þorgerður Katrín greinilega að líða fyrir tortryggni, það er nú ekki svo lítið sem hún hefur verið tortryggin gagnvart Davíð Oddssyni flokksbróður sínum. Magnað hvað fólk getur tjáð sig fjálglega þangað til spjótin berast að þeim sjálfum. Vona að það sé ekkert gruggugt við þau hjón en þetta lítur ekki vel út fyrir þau, vægast sagt.

Óþolandi að líða fyrir tortryggni

Dj... getur fólk verið vitlaust

Það er ekki mikið meira en það sem hægt er að segja, það er verið að bjarga því sem bjargað verður og það á að bitna sem allra allra minnst á íslenskum ríkisborgurum. Þessi staða er alls staðar í heiminum, hún er kannski einna mest hérna þó þar sem við erum með okkar einkagjaldmiðil og bankakerfið stækkaði hér upp úr öllu valdi án þess að hafa nóg á bak við sig. Af hverju vorum við líka að skuldsetja okkur svona sjálf, hér áður fyrr safnaði fólk fyrir því sem það ætlaði að kaupa sér og það fólk er ekki í vandræðum núna. Ég held að fólk eigi að standa saman, ekki gegn ríkisstjórninni heldur með henni og þannig komast í gegnum þetta saman. Það er bara í tísku að vera á móti ríkisstjórninni og ég held að fólk eigi að kynna sér þessi mál í botn og sjá að það sem verið er ap gera það besta úr málunum.

Fjöldi fólks á mótmælasamkomu Bubba